Should auld acquaintance be forgot, 
And never brought to min'? 
Should auld acquaintance be forgot, 
And days o' lang syne? 

We twa ha'e run about the braes, 
And pu'd the gowans fine, 
But we've wandered mony a weary foot, 
Sin' auld lang syne. 

We twa ha'e paidl'd i' the burn, 
Frae mornin' sun till dine, 
But seas between us braid ha'e roared, 
Sin' auld lang syne. 

And surely ye'll be your pint-stowp, 
And surely I'll be mine; 
And we'll tak a right gude-willie waught, 
For auld lang syne. 

And there's a hand,my trusty fiere, 
And gie's a hand o' thine; 
And we'll tak a cup o' kindness yet' 
For auld lang syne. 

For auld lang syne, my dear, 
For auld lang syne,  
And we'll tak a cup o' kindness yet' 
For auld lang syne.